Уладзімір Антонавіч Піліповіч (05.01.1931 - 02.04.2018), фізік. Нарадзіўся ў в. Слабада, Мазырскага р-на, Гомельскай вобл. Акадэмік Нацыянальнай акадэміі навук Беларусі (1980; чл.-кар. з 1977), доктар фізіка-матэматычных навук (1972), прафесар (1977). Заслужаны дзеяч навукі БССР (1978).
Даследаваў цвёрдацельныя аптычныя квантавыя генератары, актыўныя і пасіўныя імпульсныя модуляторы дыхтоўнасці рэзанатараў, узаемадзеянне магутнага выпраменьвання з кандэнсаванымі асяроддзямі, прапанаваў метады вызначэння страт выпраменьвання ў працэсе генерацыі, усталяваў сувязь параметраў вымушанага выпраменьвання з уласцівасцямі малекул фотатропных асяроддзяў. Вывучыў анізатрапіі вымушанага выпраменьвання раствораў арганічных злучэнняў, дынаміку монаімпульснай генерацыі, распрацаваў галаграфічнае запамінальныя прылады, элементы і прылады для аптычных метадаў апрацоўкі інфармацыі.
Аўтар каля 400 навуковых прац, у т.л. 3 манаграфій.
Дзяржаўная прэмія СССР 1985 г. за даследаванні вадкіх крышталяў для аптычнай апрацоўкі інфармацыі. Дзяржаўная прэмія Рэспублікі Беларусь 1996 г. за цыкл работ "З'явы анізатрапіі ў лазерах і прынцыпы палярызацыйнай лазернай спектраскапіі".
узнагароджаны ордэнам Працоўнага Чырвонага Сцяга (1981), медалямі.