Памяці вучонага :: САЎЧАНКА Мікалай Яўсеевіч

Мікалай Яўсеевіч Саўчанка (07.11.1922, пас.Чырвоны Палац, Чачэрскага р-на, Гомельскай вобл. – 12.06.2001), хірург-уролаг, дзяржаўны дзеяч Рэспублікі Беларусь. Акадэмік Нацыянальнай акадэміі навук Беларусі (1972; чл.-кар. з 1969), доктар медыцынскіх навук (1965), прафесар (1966). Удзельнік Вялікай Айчыннай вайны.

— Скончыў Мінскі медыцынскі інстытут (1948).
— З 1951 г. у Ваенна-медыцынскай акадэміі імя Кірава, з 1958 г. дацэнт, прафесар кафедры уралогіі Беларускага інстытута ўдасканалення ўрачоў, з 1960 г. рэктар гэтага інстытута.
— У 1966 – 1986 гг.міністр аховы здароўя БССР, адначасова з 1967 г. загадчык кафедры уралогіі Мінскага медыцынскага інстытута.
— З 1970 г. кіраўнік Беларускага цэнтра перасадкі нырак.
— У 1967 – 1980 гг. дэпутат Вярхоўнага Савета БССР.

Асноўныя працы па пытаннях хвароб мочапалавой сістэмы, нырачнай гіпертаніі, трансплантацыі органаў і тканак, аўтаматызаваных сістэм кіравання аховай здароўя.

Яго імя прысвоена 4-й гарадской клінічнай бальніцы горада Мінска.

Аўтар больш за 300 навуковых прац, у т. л. 11 манаграфій і 9 вынаходстваў.

Дзяржаўная прэмія СССР 1982 г. за распрацоўку і ўкараненне ў клінічную практыку сучасных метадаў дыягностыкі і арыгінальных рэканструктыўных органасберагаючых аперацый для лячэння хворых з прыроджанымі анамаліямі нырак і мачавых шляхоў. Дзяржаўная прэмія БССР 1988 г. за цыкл работ "Распрацоўка і ўкараненне ў практыку метадаў лячэння злаякасных пухлін з выкарыстаннем гіпертэрміі і гіперглікеміі".

Узнагароджаны ордэнамі Працоўнага Чырвонага Сцяга (1966, 1971, 1976), Айчыннай вайны I і II ступені (1945, 1985), Чырвонай Зоркі (1944, 1945), медалямі.

Асноўныя працы:

Гипоспадия и ее лечение. Мн., 1962.
Нейрогенные расстройства мочеиспускания. Мн., 1970 (совм. с В.А. Мохортом).
Гипоспадия и гермафродитизм. Мн., 1974.
Эписпадия. Мн., 1976 (совм. с В.М. Державиным).
Урология для семейного врача. Мн., 1991.