Памяці вучонага :: СТРАЛЬЧОНАК Алег Анатольевіч

Алег Анатольевіч Стральчонак (18.10.1947, г. Кобрын, Брэсцкай вобл. – 05.03.2010), хімік. Акадэмік Нацыянальнай акадэміі навук Беларусі (1994; чл.-кар. з 1989), доктар хімічных навук (1983).

— Скончыў Белдзяржуніверсітэт (1970).
— У 1973 – 1974 гг. старшы інжынер Інстытута фізіка-арганічнай хіміі АН БССР, у 1974 – 1979 гг. старшы інжынер, малодшы, старшы навуковы супрацоўнік, з 1979 г. загадчык лабараторыі.
— У 1988 – 2000 гг. дырэктар Інстытута біяарганічнай хіміі Нацыянальнай акадэміі навук Беларусі.
— З 1999 г. кіраўнік даследаванняў і распрацовак фармацэўтычнай фірмы "Oasmia" (Швецыя).

Даследаванні ў галіне хіміі гармонаў і гарманальнай рэцэпцыі. Даследаваў структурную арганізацыю і заканамернасці функцыянавання мембранных сістэм пазнавання гармон-глікапратэінавых комплексаў. Вырашыў праблему стварэння комплексу сродкаў імунахімічнага мікрааналіза для ацэнкі функцыянальнага стану органаў і сістэм арганізма чалавека.

Аўтар больш за 180 навуковых прац, 35 вынаходак.

Дзяржаўная прэмія БССР 1988 г. за стварэнне навуковых асноў, распрацоўку тэхналогіі, арганізацыю доследнай вытворчасці і ўкараненне ў практыку аховы здароўя радыёдыягнастычных набораў.

Асноўныя працы:

Роль стероидсвязывающих гликопротеинов крови человека в передаче гормонального сигнала в клетке // Физиологический журнал СССР им. И.М.Сеченова. 1990. Т.76, №9.
Specific steroid-binding glycoproteins of human blood plasma: novel data on their structure and function // J. Steroid Biochem. 1990. Vol.35, №5.
О ранее неизвестном свойстве нормального иммуноглобулина М человека - способности специфически связывать тиреоидные гормоны // Доклады АН Беларуси. 1992. Т.36. №3-4.