Вячаслаў Сяргеевіч Танаеў(28.03.1940, в. Акулава, Теблешскага р-на, Цвярской вобл., Расія – 19.07.2002), вучоны ў галіне матэматычнай кібернетыкі. Акадэмік Нацыянальнай акадэміі навук Беларусі (2000; чл.-кар. з 1994), доктар фізіка-матэматычных навук (1978), прафесар (1980). Заслужаны дзеяч навукі Рэспублікі Беларусь (1995).

Навуковыя працы па прыкладной матэматыцы, кібернетыцы, інфарматыцы. Распрацаваў асновы тэорыі параметрычнай дэкампазіцыі аптымізацыйных задач, з выкарыстаннем якой вырашаны шэраг важных прыкладных задач аптымальнага праектавання і каляндарнага планавання. Развіў тэорыю раскладаў, яе метады і мадэлі.

Аўтар больш за 130 навуковых прац, у тым ліку 8 манаграфій, дзве з іх перавыдадзеныя за мяжой.

Дзяржаўная прэмія Рэспублікі Беларусь 1998 г. за цыкл работ "Мадэлі і метады тэорыі раскладаў". Прэмія Нацыянальнай акадэміі навук Беларусі 2001 г. за манаграфію "Тэорыя раскладаў: групавыя тэхналогіі".

Асноўныя працы:

1. Введение в теорию расписаний. М.: Наука, 1975 (совм. с В.В.Шкурбой).
2. Теория расписаний: Одностадийные системы. М.: Наука, 1984 (совм. с В.С.Гордоном, Я.М.Шафранским).
3. Декомпозиция и агрегирование в задачах математического программирования. Мн.: Наука и техника, 1987.
4. Теория расписаний: Многостадийные системы. М.: Наука, 1989 (совм. с Ю.Н.Сотсковым, В.А.Струсевичем).
5. Математические модели и методы календарного планирования. Мн.: Універсітэцкае, 1994 (совм. с Ю.Н.Сотсковым, В.А.Струсевичем).
6. Теория расписаний: Групповые технологии. Мн.: Ин-т техн.кибернетики НАН Беларуси, 1998 (совм. с М.Я.Ковалевым, Я.М.Шафранским).