Памяці вучонага :: ВЯДУТА Мікалай Іванавіч

Мікалай Іванавіч Вядута (06.02.1913, г. Старабельск, Луганскай вобл., Украіна – 25.04.1998), эканаміст. Член-карэспандэнт Нацыянальнай акадэміі навук Беларусі (1969), доктар эканамічных навук (1966), прафесар (1968).

— Скончыў Харкаўскі механіка-машынабудаўнічы інстытут (1938).
— У 1957 – 1962 гг.намеснік дырэктара і загадчык сектара Інстытута эканомікі АН БССР.
— У 1962 – 1967 гг. дырэктар Цэнтральнага навукова-даследчага і праектна-тэхналагічнага інстытута арганізацыі і тэхнікі кіравання.
— У 1967 – 1977 гг. загадчык сектара Інстытута эканомікі АН БССР, адначасова загадчык кафедры Беларускага інстытута народнай гаспадаркі.
— У 1977 – 1989 гг. старшы навуковы супрацоўнік, загадчык сектара НДІ ЭВМ (Мінск) і адначасова ў 1978 – 1982 гг. прафесар Рэспубліканскага Міжгаліновага інстытута павышэння кваліфікацыі кіруючых работнікаў і спецыялістаў галін.
— У 1989 – 1993 гг. вядучы навуковы супрацоўнік БелНДІ навукова-тэхнічнай інфармацыі Дзяржплана БССР.

Навуковыя працы прысвечаны арганізацыі і эканоміцы машынабудавання, эканамічнай эфектыўнасці капітальных укладанняў і новай тэхнікі, эканамічнай кібернетыцы, палітычнай эканоміі сацыялізму. Кіраваў першымі ў рэспубліцы распрацоўкамі аўтаматызаваных сістэм кіравання вытворчасцю на машынабудаўнічых прадпрыемствах.

Аўтар больш за 100 навуковых прац, у т. л. 5 манаграфій.

Узнагароджаны ордэнам "Знак Пашаны" (1966), медалямі.

Асноўныя працы:

Об экономической эффективности капитальных вложений в промышленности. Мн.: Изд-во Акад. наук БССР, 1960.
Экономическая эффективность новой техники. Мн.: Наука и техника, 1964.
Экономическая кибернетика: очерки по вопросам теории. Мн.: Наука и техника, 1971.
Марксизм-ленинизм и мы. Мн.: МП "Радзіма", 1996.