Памяці вучонага :: ВЕЙС Ювеналій Аляксандравіч

Ювеналій Аляксандравіч Вейс (05.01.1878, г. Екацерынбург, Расія – 12.12.1950), вучоны ў галіне машыназнаўства. Акадэмік Нацыянальнай акадэміі навук Беларусі (1940; чл.-кар. з 1936), доктар тэхнічных навук (1937), прафесар (1909). Заслужаны дзеяч навукі БССР (1940).

— Скончыў Новааляксандрыйскі інстытут сельскай гаспадаркі і лесаводства (1899, Польшча).
— У 1920 – 1941 гг. загадчык кафедры, прарэктар Беларускай Сельскагаспадарчай акадэміі.
— У 1941 – 1946 гг.прафесар Варонежскага сельскагаспадарчага інстытута.
— У 1946 – 1947 гг. акадэмік-сакратар Аддзялення прыродазнаўчых і сельскагаспадарчых навук АН БССР, з 1947 г. загадчык лабараторыі Інстытута механізацыі сельскай гаспадаркі АН БССР.

Работы па пытаннях праектавання і прымянення сельскагаспадарчых машын і механізмаў. Сканструяваў і ўжыў на практыцы шэраг сельскагаспадарчых машын, вымяральных і навучальных прыбораў.

Аўтар больш за 90 навуковых прац, у т.л. 2 манаграфій.

Узнагароджаны ордэнам Працоўнага Чырвонага Сцяга (1940), медалямі.

Асноўныя працы:

Курс сельскохозяйственного машиноведения. 4-е изд. М.; Л.: ОГИЗ-ГИСХККЛ, 1931.
Почвообрабатывающие и посевные машины травопольной системы земледелия. Мн.: Гос. изд. БССР, 1952.