Памяці вучонага :: ЗАТОНСКІ Уладзімір Пятровіч

Уладзімір Пятровіч Затонскі (08.08.1888, с. Лысец, Хмяльніцкай вобл., Украіна – 29.07.1938), дзяржаўны і партыйны дзеяч, хімік. Акадэмік Нацыянальнай акадэміі навук Беларусі (1933), акадэмік Нацыянальнай акадэміі навук Украіны (1929).

— Скончыў Кіеўскі ўніверсітэт (1912).
— У 1913 – 1917 гг. выкладчык Кіеўскага політэхнічнага інстытута, адначасова загадваў хімічнай лабараторыяй.
— Са снежня 1917 г.узначальваў Сакратарыят (Наркамат) асветы, з сакавіка 1918 г. старшыня ЦВК Украіны.
— У 1922 – 1923 гг. і 1933 – 1938 гг. наркам асветы УССР.
— У 1925 – 1927 гг. сакратар ЦК КП (Б) У, у 1927 – 1933 гг. старшыня ЦКК КП(б)У і наркам РКІ УССР.
— У 1929 г. узначальваў камісію ЦКК ВКП (б) па пытаннях правядзення нацыянальнай палітыкі ў БССР.
— Член Прэзідыума ЦВК СССР, член Прэзідыума ЦВК Украіны.
— У 1937 г. арыштаваны, у 1938 г.прысуджаны да вышэйшай меры пакарання. Рэабілітаваны ў 1956 г.

Праводзіў навукова-арганізацыйную працу як старшыня Камітэта па хімізацыі народнай гаспадаркі УССР (1928–1934). Надаваў увагу рабоце навукова-даследчых устаноў і падрыхтоўцы навуковых кадраў.

Узнагароджаны ордэнам Чырвонага Сцяга (1921).

Асноўныя працы:

Социалистическое строительство и химия. М.; Л.: Госхимтехиздат, 1933.
Национально-культурное строительство и борьба против национализма. Харьков, 1934.