Памяці вучонага :: ЗАЦЕПІН Мікалай Мікалаевіч

Мікалай Мікалаевіч Зацепін (н. 16.01.1917, с. Сцежкі, Дегтянского, р-на, Тамбоўскай вобл., Расія), вучоны ў галіне электрамагнетызму і фізікі неразбуральнага кантролю. Член-карэспандэнт Нацыянальнай акадэміі навук Беларусі (1972), доктар тэхнічных навук (1967), прафесар (1971). Удзельнік Вялікай Айчыннай вайны.

— Скончыў Маскоўскі педагагічны інстытут імя К. Лібкнехта (1940).
— У 1943 – 1949 гг. працаваў начальнікам цэха, галоўным энергетыкам, галоўным інжынерам на прадпрыемствах трэста "Коркінвугаль" у Чэлябінскай вобл.
— У 1952 – 1954 гг.вучоны сакратар, у 1954 – 1970 гг. загадчык групы, загадчык лабараторыі Інстытута фізікі металаў АН СССР.
— З 1971 г. загадчык аддзела фізікі неразбуральнага кантролю АН БССР і загадчык лабараторыі электрамагнетызму гэтага аддзела.
— У 1980 – 1987 гг. дырэктар Інстытута прыкладной фізікі Нацыянальнай акадэміі навук Беларусі, з 1987 г. галоўны навуковы супрацоўнік Інстытута.

Стварыў новыя навуковыя напрамкі і атрымаў фундаментальныя вынікі па нелінейнай тэорыі метаду вышэйшых гарамонік, нелінейным магнітадынаміцы і магнітастатыцы, тэорыі многопараметровых метадаў неразбуральнага кантролю, стварэнню метадаў і сродкаў кантролю і якасці механічных уласцівасцяў і ўмацаваных слаёў вырабаў. Распрацаваў навуковыя асновы магнітнай і віхрэтакавай дэфектаскапіі.

Аўтар больш за 370 навуковых прац, у тым ліку 6 манаграфій, больш за 120 вынаходстваў.

Дзяржаўная прэмія БССР 1976 г. за даследаванне, распрацоўку і ўкараненне электрамагнітных метадаў і сродкаў неразбуральнага кантролю механічных уласцівасцяў ферамагнітных матэрыялаў і вырабаў.

Узнагароджаны ордэнамі Працоўнага Чырвонага Сцяга (1979), ордэнам Чырвонай Зоркі (1968), Айчыннай вайны II ступені (1985), медалямі.

Асноўныя працы:

Метод высших гармоник. Мн., 1980.
Магнитная дефектоскопия. Мн., 1981 (совм. с Л.В. Кортавой).
Феррозондовые преобразователи с поперечным возбуждением. Мн., 1988 (совм. с В.Г. Горбашем).
Гармонические составляющие динамической и магнитной проницаемости. Векторные диаграммы второй и четвертой гармоник // Техническая электродинамика. 2000. № 1.