Ганаровыя і замежныя члены

Чуньлі Бай (н. 26.09.1953, г. Даньдун, правінцыя Ляанін, Кітай) – вучоны ў галіне фізічнай хіміі і нанатэхналогіі. Замежны член НАН Беларусі (2017). Член Кітайскай АН (1997), сусветнай АН (TWAS, 1997), член-карэспандэнт Аўстралійскай АН (2013), замежны член НАН ЗША (2006), Расійскай АН (2008), Дацкай Каралеўскай акадэміі навук і літаратуры (2012), Каралеўскага таварыства (2014, Вялікабрытанія), Еўрапейскай акадэміі (2016). Ганаровы член Каралеўскага хімічнага грамадства (2007, Вялікабрытанія), Індыйскай НАН (2009), Кітайскай асацыяцыі па навуцы і тэхніцы (2011), Амерыканскай акадэміі мастацтваў і навук (2016). Доктар філасофіі (1985), прафесар (2014). Ганаровы доктар Орхускага ўніверсітэта (2007, Данія), універсітэта Лунда (2007, Швецыя), Універсітэта Мінесоты (2011, ЗША), універсітэцкага каледжа Лондана (2012, Вялікабрытанія), Аўстралійскага нацыянальнага ўніверсітэта (2014), універсітэта Атавы (2015, Канада).

— Скончыў Пекінскі ўніверсітэт(1978).
— З 1978 – супрацоўнік аддзела прыкладной хіміі Кітайскай АН.
— У 1982 – 1985 і з 1987 – навуковы супрацоўнік, у 1992 – 1996 – намеснік дырэктара Інстытута хіміі Кітайскай АН.
— У 1985 – 1987 – навуковы супрацоўнік Лабараторыі рэактыўнага руху Каліфарнійскага тэхналагічнага інстытута.
— З 1996 – віцэ-прэзідэнт, з 2011 – прэзідэнт Кітайскай АН.
— Адначасова з 2014 – прафесар Пекінскага ўніверсітэта, Універсітэта Цінхуа, навукова-тэхнічнага ўніверсітэта Кітая, Нанькайского ўніверсітэта і Кітайскага геалагічнага ўніверсітэта.
— У 2001 – 2014 – прэзідэнт, з 2014 – ганаровы прэзідэнт універсітэта Кітайскай АН.
— У 2003 – 2008 – дырэктар Нацыянальнага цэнтра нананвукі і тэхналогій Кітайскай АН.
— З 2007 – віцэ-прэзідэнт, з 2013 – прэзідэнт Сусветнай АН (TWAS).
— З 2012 – член Цэнтральнага Камітэта Камуністычнай партыі Кітая.
— З 2009 – галоўны рэдактар часопіса «Nanoscale», з 2014 – галоўны рэдактар часопіса «National Science Review», з 2018 – галоўны рэдактар часопіса «Nanoscale Advances».

Навуковыя даследаванні ў галіне фізічнай хіміі, нанатэхналогій і сканіруючай зондавай мікраскапіі. Выканаў даследаванні структур і ўласцівасцяў палімерных каталізатараў, працэсаў дыфракцыі рэнтгенаўскіх прамянёў у крышталічных арганічных злучэннях, працяглай тонкай структуры рэнтгенаўскага спектру паглынання (EXAFS) па праводзячым палімерам; ў галіне малекулярнай механікі. З'яўляецца адным з заснавальнікаў работ у галіне сканіруючай зондавай мікраскапіі. Унёс вялікі ўклад у развіццё сканавальнай тунэльнай мікраскапіі як на нацыянальным, так і на міжнародным узроўні.

Аўтар больш за 350 навуковых работ, у тым ліку манаграфіі 12.

Награжден медалью ЮНЕСКО «За вклад в развитие нанонауки и нанотехнологий» (2010).

Асноўныя працы:

Scanning Tunneling Microscopy and Its Application. 2nd ed. Berlin ; Heidelberg, 2000.
Single Molecule Chemistry and Physics: An Introduction. Berlin ; Heidelberg, 2006 (в соавт.).
From Chemistry to Nanoscience: Not Just a Matter of Size // Angew. Chem. Int. Ed. 2013. Vol. 52, N 10 (в соавт.).
Progress of nanoscience in China // Frontiers of Physics. 2014. Vol. 9, N 3 (в соавт.).
Нанотоксикология. Токсикологические и биологические воздействия наноматериалов // Нанонаука и нанотехнологии: энциклопедия систем жизнеобеспечения. М., 2015 (в соавт.).

БАЙ Чуньлі

Асноўныя працы: