Юсуф Хваджа Хамід (н. 25.07.1936, г. Вільня, Літва) – вучоны ў галіне арганічнай хіміі і фармацэўтыкі, бізнэсмэн. Ганаровы член НАН Беларусі (2017). Доктар хіміі (1960). Ганаровы член Каралеўскага хімічнага грамадства (2011, Вялікабрытанія). Ганаровы доктар навук Кембрыджскага універсітэта (2014).

Навуковыя даследаванні і распрацоўкі ў галіне фармацэўтыкі, арганізацыі фармакалагічнай дапамогі маламаёмасным грамадзянам краін, якія развіваюцца. Арганізаваў вытворчасць прэпаратаў для барацьбы з ВІЧ/СНІДам, сухотамі, астмай і іншымі цяжкімі захворваннямі пацыентаў у самых бедных краінах свету. Ажыццявіў распрацоўку дзіцячых лекаў для пацыентаў з бедных краін. Гэтыя новаўвядзенні істотна палегчылі доступ да медыкаментаў і згулялі ключавую ролю ў павышэнні лекавай бяспекі за кошт забеспячэння медыкаментамі ў належных дозах. Узначаліў намаганні па выкараненні СНІДу ў краінах, якія развіваюцца і забеспячэнні пацыентаў жыццёва важнымі медыкаментамі незалежна ад іх плацежаздольнасці.

Узнагароджаны ордэнам Падме Бхушан (2005, Індыя).

Асноўныя працы:

1. Colouring matters of the Aphididæ. Part XVIII. The structure and chemistry of the erythroaphins // J. Chem. Soc. 1964 .
2. Isolation of solasodine from Solanum khasianum grown in Bombay // Indian J. Pharmacy. 1971. Vol. 33, N 1 .
3. Indian pharma industry: decades of struggle // Chem. Business. 2005. Vol. 19, N 4.