Байба Арвідаўна Рыўжа (н. 01.12.1949, г. Вентспілс, Латвія) – эканаміст, палітычны і дзяржаўны дзеяч. Замежны член НАН Беларусі (2017). Акадэмік Латвійскай Акадэміі сельскагаспадарчых і лясных навук (1992), Латвійскай АН (1999; чл.-кар. з 1995), член-карэспандэнт ВАСХНИЛ (1991-1992), замежны член-карэспандэнт Расійскай акадэміі сельскагаспадарчых навук (1992-2014), замежны член Фларэнтыйскай акадэміі земляробства (2002), Каралеўскай Шведскай акадэміі лясной і сельскай гаспадаркі (2005), Літоўскай АН (2007), Расійскай АН (2014). Доктар эканамічных навук (1990), доктар хабілітіраваны (1992).

Навуковыя даследаванні прысвечаны пытанням сацыяльнага развіцця вёскі і развіцця сельскіх раёнаў, сельскагаспадарчага прадпрымальніцтва, рэгіянальнага развіцця, рызык, даследаванняў рынку, распрацоўцы сістэмы мікракрэдытаў для жанчын. Шэраг работ асвятляе пытанні вышэйшай адукацыі.

Прэмія Ленінскага камсамола Латвіі(1980).

Узнагароджана Ордэнам Трох зорак IV ступені (2000), Вялікім медалём Латвійскай акадэміі навук (2017).

Асноўныя працы:

1. Производственный потенциал сельскохозяйственного предприятия. Рига, 1988.
2. Discourse on Rural Development in Latvia. Jelgava, 2003 (в соавт.).
3. Risk assessment in renewable energy production from agriculture biomass in Latvia // Proc. Latv. Acad. Sci. Sec. B. 2012. Vol. 66, N 1–2 (в соавт.).
4. The Improvement of Entrepreneurship Education Management in Latvia // Procedia – Social and Behavioral Sciences. 2014. Vol. 140 (в соавт.).
5. Socio-economic Restructuring of Rural Space – a Feature of the 21st Century // Socialiniai Tyrimai. 2015. Vol. 2015, N 1 (в соавт.).
6. Through economic growth to the viability of rural space // Entrepreneurship and Sustainability Issues. 2017. Vol. 5, N 2 (в соавт.).