Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

Галоўная старонка / Навіны / Архіў навін

RSS

17.02.2016

На мерапрыемства, прысвечанае 120-годдзю з дня нараджэння Кандрата Крапівы запрашае Цэнтральная навуковая бібліятэка ім. Я. Коласа НАН Беларусі

Напярэдадні Міжнароднага дня роднай мовы Цэнтральная навуковая бібліятэка імя Якуба Коласа НАН Беларусі арганізуе сустрэчу з вучнямі адной з мінскіх школ і запрашае ўсіх жадаючых на культурна-пазнавальнае мерапрыемства «Дык хто смяецца апошнім?!», прысвечанае 120-годдзю з дня нараджэння вядомага беларускага вучонага, пісьменніка, паэта, сатырыка, драматурга і перакладчыка Кандрата Крапівы.
Сустрэча адбудзецца 18 лютага 2016 года ў 13:15 у Цэнтральнай навуковай бібліятэцы імя Якуба Коласа НАН Беларусі (вул. Сурганава, 15, інфармацыйна-выставачны цэнтр, 1 паверх, п.110).

16.02.2016

4 праекты НАН Беларусі перамаглі ў конкурсе “100 ідэй для Беларусі”

У НВЦ “БелЭкспа” завяршыўся фінальны этап рэспубліканскага маладзёжнага конкурсу “100 ідэй для Беларусі” па выніках 2015 года, які ўпершыню праходзіў у фармаце “Шоу тэхналогій: выстава маладзёжных інавацый”. Арганізатар конкурсу - Грамадскае аб’яднанне «Беларускі рэспубліканскі саюз моладзі». Конкурс праводзіць адбор лепшых праектаў у розных сферах, якія маглі б быць карысныя для грамадства і служыць для актывізацыі інавацыйнага мыслення моладзі, прыцягнення яе да вырашэння задач сацыяльна-эканамічнага развіцця Рэспублікі Беларусь, стымулявання грамадзянскіх ініцыятыў да рэалізацыі інавацыйных праектаў і навукова-тэхнічных распрацовак.

15.02.2016

Прэзідэнт Рэспублікі Беларусь уручыў дыпломы доктара навук 6 прадстаўнікам арганізацый НАН Беларусі

12 лютага Прэзідэнт Рэспублікі Беларусь А.Р. Лукашэнка ва ўрачыстай абстаноўцы ўручыў дыпломы доктара навук і атэстаты прафесара. Сярод удастоеных ступені доктара навук 6 прадстаўнікоў НАН Беларусі.




15.02.2016

Выдавецкі дом "Беларуская навука" адзначаны дыпломам I ступені Нацыянальнага конкурсу “Мастацтва кнігі – 2016”

Выдавецкі дом “Беларуская навука” ўдастоены Дыплома I Ступені 55-ага Нацыянальнага конкурсу “Мастацтва кнігі – 2016” “Залаты фаліянт” у намінацыі “Эўрыка” (навуковыя, навукова-папулярныя выданні) за выданне серыі кніг “Традыцыйны лад жыцця”.
Дыплом з рук арганізатараў атрымаў галоўны рэдактар Выдавецкага дома “Беларуская навука” Георгій Канстанцінавіч Кісялёў.



15.02.2016

НАН Беларусі і Пакістанская літаратурная акадэмія дамовіліся аб супрацоўніцтве

У рамках выканання Мемарандума аб намерах у галіне навуковага супрацоўніцтва паміж Нацыянальнай акадэміяй навук Беларусі і Пакістанскай літаратурнай акадэміяй у Інстытуце літаратуразнаўства імя Янкі Купалы 12 лютага адбылася сустрэча кіраўніцтва і калектыву Інстытута са старшынёй Пакістанскай літаратурнай акадэміі прафесарам, доктарам Мухамедам Касімам Букхіа і Надзвычайным і Паўнамоцным Паслом Ісламскай Рэспублікі Пакістан ў Рэспубліцы Беларусь Масудам Ханам Раджой.
Бакі абмяняліся інфармацыяй аб структуры і дзейнасці Пакістанскай літаратурнай акадэміі і Інстытута літаратуразнаўства імя Янкі Купалы НАН Беларусі, абмеркавалі планы супрацоўніцтва, абмен навуковай і мастацкай літаратурай, адбор твораў класічнай і сучаснай літаратуры для перакладаў на мовы Пакістана і Беларусі.

12.02.2016

Арганізацыі НАН Беларусі бяруць удзел у XXIIІ Мінскай міжнароднай кніжнай выставе-кірмашы

Выдавецкі дом “Беларуская навука” і Цэнтральная навуковая бібліятэка імя Якуба Коласа НАН Беларусі бяруць удзел у XХIII Мінскай міжнароднай кніжнай выставе-кірмашы.
Выдавецкі дом “Беларуская навука” прадставіў на выставе кнігі з новай серыі “Традыцыйны лад жыцця”, аўтары - этнографы і мастацтвазнаўцы НАН Беларусі. Як адзначыў дырэктар выдавецтва Аляксандр Сташкевіч, серыя раскрывае ўсе бакі жыцця беларускага народа: абрады, рамёствы, кухня, творчасць розных напрамкаў. На бягучы год запланаваны выхад яшчэ дзвюх кніг гэтай серыі. Акрамя таго, на выставе былі прадстаўлены выданні: “Славяне на тэрыторыі Беларусі ў дадзяржаўны перыяд: да 90-годдзя з дня нараджэння Леаніда Давыдавіча Побаля” В. Ляўко, “Беларусь: культурна-цывілізацыйны выбар” А.А. Лазарэвіч, І.Я. Левяш, “Мае Каласавіны” да юбілею М.Мушынскага і многія іншыя праекты Выдавецкага дома. Асобная прэзентацыя была прысвечана трэцяму выданню кнігі “Беларускі народны касцюм”.

12.02.2016

У Інстытуце генетыкі і цыталогіі НАН Беларусі прадстаўнікоў СМІ азнаёмілі з саюзнай праграмай “ДНК-ідэнтыфікацыя”

У Інстытуце генетыкі і цыталогіі НАН Беларусі прайшла сустрэча з групай прадстаўнікоў СМІ Беларусі і Саюзнай дзяржавы. Мэтай сустрэчы стала азнаямленне з саюзнай праграмай “ДНК-ідэнтыфікацыя” (“Распрацоўка інавацыйных генагеаграфічных і геномных тэхналогій ідэнтыфікацыі асобы і індывідуальных асаблівасцей чалавека на аснове вывучэння генафондаў рэгіёнаў Саюзнай дзяржавы”). Перад прысутнымі выступілі: Галоўны вучоны сакратар НАН Беларусі А.В. Кільчэўскі, нам. дырэктара па навуковай рабоце Інстытута генетыкі і цыталогіі НАН Беларусі Сычова Я.А.
Таксама журналісты былі азнаёмленыя з працай лабараторыі генетыкі чалавека, Цэнтра калектыўнага карыстання “Геном” і Рэспубліканскага банка ДНК чалавека, жывёл, раслін і мікраарганізмаў.

10.02.2016

5 арганізацый НАН Беларусі прымуць удзел у XII Міжнароднай выставе-кангрэсе “Высокія тэхналогіі. Інавацыі. Інвестыцыі”(HI-TECH'2016)

На XXII Міжнароднай выставе-кангрэсе “Высокія тэхналогіі. Інавацыі. Інвестыцыі” (HI-TECH'2016), якая адбудзецца 15-17 сакавіка 2016 г. у г. Санкт-Пецярбург, Расійская Федэрацыя Нацыянальная акадэмія навук Беларусі прадставіць экспанаты, якія дэманструюць навуковыя распрацоўкі і інавацыйныя праекты па напрамках: энергазберажэнне, абсталяванне і тэхналогіі машынабудавання, прыборабудавання, металургіі, электратэхнічнае абсталяванне, кіраўнічыя сістэмы, новыя хімічныя матэрыялы і прадукты. У рамках HI-TECH'2016 будзе праходзіць комплекс дзелавых мерапрыемстваў: “Дзень Hi-Tech” і конкурс “Лепшы інавацыйны праект і лепшая навукова-тэхнічная распрацоўка года” (далей - Конкурс). Мэта Конкурсу - актывізацыя дзейнасці прадпрыемстваў у галіне інавацыйных тэхналогій, выяўленне перспектыўных інавацыйных праектаў і распрацовак, а таксама садзейнічанне іх прасоўванню на ўнутраны і знешні рынкі.

08.02.2016

У Інстытуце генетыкі і цыталогіі НАН Беларусі пройдзе прэс-мерапрыемства, прысвечанае распрацоўцы інавацыйных генагеаграфічных і геномных тэхналогій у рамках Саюзнай дзяржавы

11 лютага, нядзеля, у 10.00 пройдзе выязное прэс-мерапрыемства: Рэалізацыя праграмы Саюзнай дзяржавы “Распрацоўка інавацыйных генагеаграфічных і геномных тэхналогій ідэнтыфікацыі асобы і індывідуальных асаблівасцей чалавека на аснове вывучэння генафондаў рэгіёнаў Саюзнай дзяржавы” з удзелам прадстаўнікоў Інстытута генетыкі і цыталогіі НАН Беларусі. Месца правядзення: Інстытут генетыкі і цыталогіі НАН Беларусі (г. Мінск, вул.Акадэмічная 27) Абавязкова акрэдытацыя (да 10.02.2016) па тэлефонах: + 375-17-220-22-53; + 375-17-327-79-16

03.02.2016

Да 85-годдзя Інстытута філасофіі НАН Беларусі аб’яўлены конкурс на лепшую філасофскую працу сярод студэнтаў і магістрантаў

Інстытут філасофіі НАН Беларусі аб’яўляе рэспубліканскі конкурс філасофскіх прац (эсэ) для пачаткоўцаў даследчыкаў. Да ўдзелу ў конкурсе запрашаюцца студэнты і магістранты ўстаноў вышэйшай адукацыі, Інстытута падрыхтоўкі навуковых кадраў НАН Беларусі ўсіх спецыяльнасцей. Арганізатары чакаюць ад удзельнікаў творчых ідэй у сферы сацыяльнай філасофіі, філасофіі навукі і тэхнікі, філасофіі культуры, гісторыка-філасофскіх даследаванняў, а таксама просяць падзяліцца сваім бачаннем месца і ролі філасофскіх ведаў у структурных пераўтварэннях сучаснага грамадства як на нацыянальным, так і на глабальным узроўнях. Пераможцаў чакаюць дыпломы, падарункі і права апублікаваць сваю працу ў навуковых выданнях Інстытута філасофіі.

03.02.2016

У Савецкай Беларусі выйшаў артыкул, прысвечаны 85-годдзю Інстытута эканомікі НАН Беларусі

У 2016 годзе Інстытут эканомікі НАН Беларусі адзначае 85-гадовы юбілей. Гэтай падзеі прысвечана шырокая публікацыя на старонках вядучага друкаванага выдання Рэспублікі Беларусь - Савецкай Беларусі. У матэрыяле ўтрымліваюцца гістарычныя звесткі пра інстытут, расказваецца пра даследаванні і распрацоўкі ўстановы, а таксама змешчана інтэрв’ю з дырэктарам інстытута Аляксеем Яўгенавічам Дайнека.


30.01.2016

Віншаванне Прэзідэнта Рэспублікі Беларусь А.Р. Лукашэнкі з Днём беларускай навукі

Дарагія сябры!
Віншую вас з прафесійным святам - Днём беларускай навукі.
Сёння ведам належыць важная роля ў фарміраванні канкурэнтаздольнай эканомікі і паляпшэнні якасці жыцця людзей. Развіццё адукацыі і навукі - гэта залог самастойнасці і суверэнітэту дзяржавы, павышэння культурнага, інтэлектуальнага і духоўнага ўзроўню нацыі. Таму ў нашай краіне вялікая ўвага надаецца захаванню і ўмацаванню айчынных навуковых школ, укараненню ў практыку эфектыўных распрацовак.

29.01.2016

Да 100-годдзя з дня нараджэння члена-карэспандэнта У.І. Няфёда прадставілі канверт і паштовую марку

29 студзеня 2016 года ў Цэнтры даследаванняў беларускай культуры, мовы і літаратуры НАН Беларусі быў праведзены круглы стол і адбылося прадстаўленне канверта і паштовай маркі да 100-годдзя з дня нараджэння выдатнага тэатразнаўца, пісьменніка і педагога Уладзіміра Іванавіча Няфёда.
У рабоце круглага стала прынялі ўдзел і выступілі дырэктар Цэнтра акадэмік А.І. Лакотка, Міністр культуры Рэспублікі Беларусь Б.У. Святлоў, генеральны дырэктар Нацыянальнага мастацкага музея Рэспублікі Беларусь У.І. Пракапцоў, намеснік дырэктара Цэнтра па навуковай рабоце, доктар мастацтвазнаўства, прафесар В.І. Жук, доктар мастацтвазнаўства, прафесар Р.Б. Смольскі, загадчык кафедры рэжысуры Беларускай дзяржаўнай акадэміі мастацтваў, кандыдат мастацтвазнаўства Р.І. Баравік, загадчык аддзела тэатральнага мастацтва Центра даследаванняў беларускай культуры, мовы і літаратуры НАН Беларусі, кандыдат мастацтвазнаўства В.М.Ярмалінская, кнадыдат мастацтвазнаўства, прафесар Ю.М. Сохар, сын У.І. Няфёда – мастак Уладзімір Няфёд і унук – Іван Арцімовіч. На імпрэзе прысутнічалі супрацоўнікі Цэнтра даследаванняў беларускай культуры, мовы і літаратуры.

28.01.2016

16 аспірантам НАН Беларусі назначаны стыпендыі Прэзідэнта Рэспублікі Беларусь

Кіраўнік дзяржавы Аляксандр Лукашэнка падпісаў распараджэнне № 17рп “Аб прызначэнні стыпендый аспірантам”. Стыпендыі Прэзідэнта Рэспублікі Беларусь на 2016 год назначаны 82 аспірантам. У іх ліку 16 прадстаўнікоў навуковых інстытутаў і арганізацый НАН Беларусі. Гэта таленавітыя маладыя аспіранты, якія выконваюць дысертацыйныя даследаванні па прыярытэтных напрамках навуковай і навукова-тэхнічнай дзейнасці. Многія з іх маюць акты аб укараненні атрыманых вынікаў у вытворчасць, лячэбную практыку ўстаноў аховы здароўя, адукацыйны працэс, патэнты на вынаходніцтвы, карысныя мадэлі або станоўчыя рашэнні на выдачу патэнта.

Навуковыя дасягненні стыпендыятаў будуць выкарыстаны на прадпрыемствах, у арганізацыях і ўстановах сацыяльнай сферы краіны.

Прыняцце распараджэння № 17рп з’яўляецца сведчаннем падтрымкі дзяржавай перспектыўных аспірантаў, развіцця навуковых школ і навуковага патэнцыялу Беларусі.

28.01.2016

Уладзімір Гусакоў прыняў удзел у прэс-канферэнцыі, прысвечанай Дню беларускай навукі

28 студзеня 2016 г. у Нацыянальным прэс-цэнтры Рэспублікі Беларусь прайшла прэс-канферэнцыя, прысвечаная Дню беларускай навукі. У ёй прынялі ўдзел - Старшыня Прэзідыума НАН Беларусі Уладзімір Гусакоў, міністр адукацыі Рэспублікі Беларусь Міхаіл Жураўкоў, Старшыня ДКНТ Аляксандр Шумілін, начальнік Галоўнага ўпраўлення інавацыйнай і інвестыцыйнай дзейнасці Міністэрства прамысловасці Рэспублікі Беларусь Валерый Фішман і начальнік аддзела навукі Міністэрства аховы здароўя Рэспублікі Беларусь Васілій Філанюк.
Як паведаміў журналістам У.Гусакоў: “Мы ўжо вызначылі топ-10 лепшых фундаментальных распрацовак 2015 года, а зараз фарміруем топ-100 нашых распрацовак для ўкаранення ва ўсе сферы народнай гаспадаркі”. Таксама Старшыня Прэзідыума падзяліўся планамі Акадэміі на 2016 год: “Пачнецца стварэнне новага спадарожніка дыстанцыйнага зандзіравання Зямлі, будзе стварацца серыя прынцыпова новых беспілотных лятальных апаратаў, серыя суперкамп’ютараў. Акрамя таго, нараўне з космасам мы лічым прарыўнымі і палярныя даследаванні. Літаральна на днях выкананы мантаж першай чаргі Беларускай антарктычнай станцыі”.

28.01.2016

НАН Беларусі прымае актыўны ўдзел у правядзенні Года культуры ў Рэспубліцы Беларусь

Савет Міністраў Рэспублікі Беларусь пастановай ад 25 студзеня 2016 г. №51 зацвердзіў рэспубліканскі план мерапрыемстваў па правядзенні ў Беларусі ў 2016 годзе Года культуры.

У план уключаны 121 пункт па асноўных напрамках дзяржаўнай культурнай палітыкі Беларусі, сярод якіх НАН Беларусі прызначана адказнай за наступныя мерапрыемствы:

- Распрацоўка Асноў дзяржаўнай культурнай палітыкі
- Комплекснае даследаванне пытанняў развіцця культуры з прэзентацыяй яго вынікаў на міжнародных мерапрыемствах, у тым ліку: Міжнароднай навукова-практычнай канферэнцыі “Беларуская літаратура ў культурнай прасторы сучаснага грамадства”, VІI Міжнароднай навуковай канферэнцыі “Традыцыі і сучасны стан культуры і мастацтваў”
- Правядзенне сацыялагічных даследаванняў па пытаннях культуры, мастацкай літаратуры і чытання
- Пашырэнне выкарыстання беларускай мовы: Правядзенне рэспубліканскай акцыі “Беларусь, я люблю цябе”, прымеркаванай да Дня ўсіх закаханых і Міжнароднага дня роднай мовы.

27.01.2016

85 год з дня нараджэння члена-карэспандэнта М.І. Мушынскага

24 студзеня споўнілася 85 год з дня нараджэння выдатнага вучонага Беларусі, лаўрэата Дзяржаўнай прэміі БССР, члена-карэспандэнта НАН Беларусі, доктара філалагічных навук, прафесара, вядомага крытыка і літаратуразнаўцы, аднаго са стваральнікаў нацыянальнай тэксталагічнай школы Міхася Іосіфавіча Мушынскага, працы якога па праву ўвайшлі ў залатую скарбонку беларускага літаратуразнаўства.

Урачыстае віншаванне юбіляра, прымеркаванае да святкавання Дзён беларускай навукі, адбудзецца 28 студзеня ў Цэнтры даследаванняў беларускай культуры, мовы і літаратуры НАН Беларусі (Сурганава 1, корп. 2, Заля паседжанняў, 2-і паверх, 10.30).


27.01.2016

100 гадоў з дня нараджэння члена-карэспандэнта У.І. Няфёда

27 студзеня 2016 года спаўняецца 100 гадоў з дня нараджэння члена-карэспандэнта У.І. Няфёда (1916-1999), тэатразнаўца, драматурга, прафесара (1964), заслужанага дзеяча мастацтваў БССР (1975), лаўрэата Дзяржаўнай прэміі БССР (1966).

Больш падрабязна пра працы і заслугі У.І. Няфёда можна даведацца на старонцы нашага сайта.

27.01.2016

Віншаванне Старшыні Прэзідыума НАН Беларусі У.Р. Гусакова з Днём беларускай навукі

Паважаныя калегі! Дарагія сябры!

Ад імя Прэзідыума Нацыянальнай акадэміі навук Беларусі віншую вучоных нашай краіны, усіх, для каго навуковы пошук стаў лёсам і прызваннем, з прафесійным святам - Днём беларускай навукі!

Навука заўсёды з’яўлялася магутным рэсурсам мадэрнізацыі грамадства, рухаючай сілай тэхнічнага прагрэсу, важнейшым складнікам нацыянальнага багацця. Прэзідэнт Рэспублікі Беларусь Аляксандр Рыгоравіч Лукашэнка паставіў задачу пабудовы грамадства ведаў. Гэта - залог нашага стратэгічнага развіцця і шырокага міжнароднага прызнання. Сёння менавіта навука заклікана прапанаваць шляхі, механізмы і сцэнарыі пераходу эканомікі краіны на шосты, самы высокі тэхналагічны ўклад.

27.01.2016

У НАН Беларусі пройдуць урачыстасці, прысвечаныя Дню беларускай навукі

29 студзеня 2016 года ў НАН Беларусі (пр. Незалежнасці, 66) у 16.00 адбудзецца рэспубліканскі сход навуковай грамадскасці, прысвечаны Дню беларускай навукі.

З 10.00 будзе разгорнута выстава дасягненняў і найбольш значных вынікаў навукова-тэхнічнай і інавацыйнай дзейнасці ў Рэспубліцы Беларусь.

Урачыстасці 2016 года пройдуць пад дэвізам – “Навука - эканоміцы ведаў”.

З праграмай мерапрыемстваў можна азнаёміцца тут.


Новости 821 - 840 из 1039
Начало | Пред. | 40 41 42 43 44 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай