У Мінску рэканструююць парк імя Янкі Купалы. Навуковы супрацоўнік музея, які тут размешчаны, проста пад нагамі знаходзіць артэфакты з мінулага. Яго ўлоў: падмуркі лазні, дзе мыўся Купала, гліняны гаршчок з надпісам часоў беларусізацыі і дарэвалюцыйная кафля.

Для геолага, акадэмкіа НАН Беларусі Радзіма Гарэцкага гісторыя рэпрэсій — гэта гісторыя сям'і. Бацьку, вучонага і заснавальніка Акадэміі навук, катавалі ў турмах і ганялі па лагерах. Дзядзьку, пісьменніка Максіма Гарэцкага, расстралялі ў 1938-м. Напярэдадні гэтай даты Радзім Гарэцкі распавядае, што падчас рэпрэсій страціла яго сям'я і ўся Беларусь.