Сёлета за пяць месяцаў з пачатку года экспарт мясной прадукцыі вырас на 15 %. За гэты перыяд краіна прадала за мяжу мяса-малочнай прадукцыі на суму каля $1,2 млрд, з якіх каля $800 млн было атрымана за «малочку». Аднак у аграрнай сферы краіны ёсць і шэраг праб лем, у тым ліку звязаных з павелічэннем прадукцыйнасці і колькасці жывёлы, распавядае першы намеснік генеральнага дырэктара НПЦ НАН Беларусі па жывёлагадоўлі Іван Шайко.

З 11 да 12 верасня ў Беларусі знаходзілася дэлегацыя Кангрэса мясцовых і рэгіянальных улад Савета Еўропы. З удзелам прадстаўнікоў верхняй палаты беларускага парламента, экспертаў з Францыі, Італіі, Нідэрландаў, Грэцыі, Румыніі і Беларусі быў праведзены круглы стол па значных пытаннях мясцовага самакіравання. Навукоўцы мяркуюць, што беларуская сістэма АТД не з'яўляецца аптымальнай, распавядае загадчык аддзела сусветнай эканомікі і знешнеэканамічных даследаванняў Інстытута эканомікі Нацыянальнай акадэміі навук Беларусі Таццяна Вярцінская.

Унікальным і вядомым на ўвесь свет беларускі лён робяць айчынныя навукоўцы. Менавіта дзякуючы іх намаганням нашы сарты льну-даўгунцу пераўзыходзяць па ўраджайнасці ўсе замежныя аналагі і забяспечваюць яе на ўзроўні больш за 18 ц/га ўмоўнага льновалакна. Замежныя сарты вельмі часта папросту не могуць адаптавацца да пераменлівых умоў беларускага надвор'я, што негатыўна ўплывае на якасць трасты. Пры гэтым беларускія гаспадаркі парадаксальна працягваюць актыўна закупляць і вырошчваць замежныя сарты. Чаму так адбываецца, распавядае дырэктар Інстытута льну НАН Беларусі Іван Голуб.

У 2017 годзе экспарт мяса-малочнай прадукцыі Беларусі склаў $3,1 млрд. Важнай задачай для беларускіх сельгасвытворцаў застаецца дыверсіфікацыя паставак. Усяго за пяць месяцаў сёлета краіне ўдалося экспартаваць малочную прадукцыю ў 39 краін, мясную — у 16. Адным з цікавых напрамкаў з'яўляецца Кітай. «Упершыню летась удалося выйсці па ўдоях на карову на 5 тысяч кг малака. Але гэта не мяжа і неабходна цяпер дайсці да параметраў 6 тысяч кг. Патэнцыял беларускіх жывёл складае 7 тысяч і вышэй. На асобных прадпрыемствах краіны гэты паказчык дасягае звыш 10 тысяч кг на карову», — адзначае першы намеснік генеральнага дырэктара НПЦ НАН па жывёлагадоўлі Іван Шайко.

Беларускі прамысловы форум праходзіць у сталіцы з 29 мая па 1 чэрвеня. Цэнтральнае месца тут займае ХХІ Міжнародная спецыялізаваная выстаўка «ТэхІнаПрам», дзе абмяркоўваецца тэма чацвёртай прамысловай рэвалюцыі (Іndustrу 4.0). На форуме прадстаўлены экспаненты з 11 краін. Мінпрамам сумесна з НАН Беларусі і Мінскім гарвыканкамам запланавана спецыялізаваная экспазіцыя, прысвечаная развіццю легкавога аўтамабілебудавання, вытворчасці электрамабіляў і рынку аўтакампанентаў.

Вучоныя краіны спрабуюць перавесці камбайны на работу за кошт электрычнасці. Акрамя таго, для патрэб сельскай гаспадаркі плануецца выкарыстоўваць беспілотнікі і дроны. Не менш цікавыя дасягненні і планы ў нашых вучоных у сферы селекцыі і жывёлагадоўлі. Падрабязна распавядаюць вучоны сакратар Навукова-практычнага цэнтра НАН Беларусі па механізацыі сельскай гаспадаркі Юрый Салапура, намеснік гендырэктара па навуковай рабоце НПЦ НАН Беларусі па бульбаводстве і плодаагародніцтве Вадзім Маханько, намеснік генеральнага дырэктара па навуцы НПЦ НАН Беларусі па жывёлагадоўлі Аляксандр Будзевіч.

Прэм'ер-міністр Андрэй Кабякоў пакрытыкаваў недастатковую колькасць інавацыйных праектаў 5-га і 6-га тэхналагічных укладаў у агульным аб'ёме дзяржпраграмы інавацыйнага развіцця на 2016—2020 гады. Усяго ж у рамках дзяржпраграмы 17 заказчыкаў рэалізуюць 86 праектаў. Найбольшая колькасць інавацыйных праектаў летась рэалізоўвалі Мінпрам — 13, Нацыянальная акадэмія навук Беларусі — 10, канцэрн «Беллегпрам», а таксама аблвыканкамы і Мінскі гарвыканкам.

Праект стратэгіі развіцця навукі і тэхналогій на 2018—2040 гады, а таксама выкарыстанне сродкаў інавацыйных фондаў абмеркавалі на пасяджэнні Прэзідыума Савета Міністраў. Паводле задумкі Нацыянальнай акадэміі навук Беларусі, стратэгія павінна стаць дакументам, які вызначае асноўныя прыярытэты навукова-тэхналагічнага развіцця краіны на доўгатэрміновую перспектыву. Па словах старшыні Прэзідыума Нацыянальнай акадэміі навук Уладзіміра Гусакова, пры падрыхтоўцы праекта дакумента стратэгіі НАН выкарыстала найлепшы сусветны вопыт.

Беларускім вучоным у сферы развіцця сельскай гаспадаркі штогод даводзіцца адказваць на вялікую колькасць выклікаў, каб наша краіна мела магчымасць прадаваць высакаякасную плодаагароднінную і мяса-малочную прадукцыю на рынках іншых дзяржаў. Пра тое, над чым яны сёння працуюць, падрабязна распавядаюць намеснік генеральнага дырэктара па навуковай рабоце і вытворчасці НПЦ НАН Беларусі па земляробстве Дзмітрый Лужынскі, намеснік генеральнага дырэктара па навуковай рабоце НПЦ НАН па земляробстве Эрома Урбан, намеснік генеральнага дырэктара па ўкараненні і выпрабаваннях НПЦ НАН па механізацыі сельскай гаспадаркі Дзмітрый Комлач, першы намеснік генеральнага дырэктара НПЦ НАН па жывёлагадоўлі Іван Шайко.

Беларускiя навукоўцы лiчаць, што сёння найбольшы поспех у нанаiндустрыi можна чакаць ад малых прыватных прадпрыемстваў. На думку першага намеснiка старшынi Прэзiдыума Нацыянальнай акадэмii навук Беларусі Сяргея Чыжыка, нанасфера вельмi затратная i патрабуе кантролю. Для арганiзацыi буйной вытворчасцi ў нанаiндустрыi неабходны вялiкiя iнвестыцыi, што вельмi рызыкоўна. Малыя прадпрыемствы з гэтай задачай павiнны справiцца значна больш эфектыўна.

Навукоўцы і аграрыі ў адзін голас адзначаюць, што спрачацца са зменлівым надвор'ем з года ў год становіцца ўсё больш складана. Але ў бітве за ўраджай ні тыя, ні іншыя не хочуць здаваць пазіцыі. Падрабязней аб ходзе і выніках уборачнай кампаніі і пра тое, як селекцыя змагаецца з кліматычнымі зменамі, расказаў доктар сельскагаспадарчых навук, генеральны дырэктар Навукова-практычнага цэнтра па земляробстве Нацыянальнай акадэміі навук Беларусі Фёдар Прывалаў.

Уборачная кампанія сёлета ўдалася. На думку генеральнага дырэктара Навукова-практычнага цэнтра НАН Беларусі па земляробстве Фёдара Прывалава, сёлетні паказчык вельмі добры, асабліва калі ўлічваць анамальна высокія для нашай мясцовасці тэмпературы і недахоп ападкаў.

З нагоды ўзмацнення ўплыву АЧС на свіное пагалоўе суседніх краін Беларусь абмяжоўвае імпарт небаспечных тавараў. Жывёлагадоўчыя прадпрыемствы не чакаюць хуткага спынення АЧС, таму асноўная задача для краіны - навучыцца працаваць ва ўмовах гэтай небяспекі, сцвярджае генеральны дырэктар Навукова-практычнага цэнтра па жывёлагадоўлі НАН Беларусі Мікалай Папкоў.