Прадстаўнічы міжнародны форум гэтымі днямі праходзіць у беларускай сталіцы: наша краіна ўпершыню ў гісторыі атрымала права прыняць у сябе Міжнародны з´езд славістаў, які праводзіцца раз на пяць гадоў. У рамках З´езда ў сталічным Лінгвістычным універсітэце адкрылася тэматычная выстаўка літаратуры, выдадзенай за апошнія пяць гадоў у розных краінах свету. Усе гэтыя кнігі з больш чым 20 краін будуць перададзены ў дар Цэнтральнай навуковай бібліятэцы імя Якуба Коласа Нацыянальнай акадэмі навук Беларусі.