Фартэпіянныя творы Юзафа Ігнацыя Крашэўскага можна было пачуць днямі ў сталічнай філармоніі. Асветніцкія акцэнты канцэртнай праграме надала выстаўка, прымеркаваная да 200-годдзя з дня нараджэння Ю. Крашэўскага, што “пераехала” на час канцэрта ў Малую залу імя Р. Шырмы з Цэнтральнай навуковай бібліятэкі імя Я. Коласа НАН Беларусі. Змястоўную “экскурсію” па ёй зрабіла ў антракце навуковы супрацоўнік бібліятэкі Алена Дзенісенка.