"Юраўскі карагод" — гэта прыклад добра захаванай абраднасці. Вакол звычаю аб’яднаны высілкі зацікаўленых асоб: прадстаўнікоў мясцовай супольнасці, даследчыкаў і студэнтаў з Беларускага дзяржаўнага ўніверсітэта культуры і мастацтваў, а таксама знаўцаў з Нацыянальнай акадэміі навук. Аб ахове нематэрыяльных культурных каштоўнасцей на прыкладзе вясновага абраду у Жыткавіцкім раёне паразважалі ўдзельнікі адмысловага круглага стала.

У Міністэрстве культуры адбылося пасяджэнне Беларускай рэспубліканскай навукова-метадычнай рады па пытаннях гісторыка-культурнай спадчыны. Між іншага на ім былі ўхваленыя прапановы па ўключэнні новых пазіцый у Дзяржаўны спіс гісторыка-культурных каштоўнасцей. Намінацыйны файл на абрад "Тры каралі" быў падрыхтаваны з удзелам загадчыка аддзела фалькларыстыкі і культуры славянскіх народаў Цэнтра даследаванняў беларускай культуры, мовы і літаратуры НАН Беларусі Таццяны Валодзінай.

Вопыт па захаванні нематэрыяльнай гісторыка-культурнай спадчыны абмеркавалі на рэспубліканскім семінары ў Жыткавіцкім раене. З дакладам выступіла і загадчык аддзела фалькларыстыкі і культуры славянскіх народаў Інстытута мастацтвазнаўства, этнаграфіі і фальклору НАН Беларусі Тацяна Валодзіна.

У Мастацкай галерэі Міхаіла Савіцкага працуе выстава старажытнабеларускага сакральнага мастцтва "33 ступені", падрыхтаваная Музеем гісторыі горада Мінска пры ўдзеле аддзела старажытнабеларускай культуры Цэнтра даследаванняў беларускай культуры, мовы і літаратуры НАН Беларусі.

Новыя праекты беланрускіх студэнтаў і культуру як маральны стрыжань абмеркавалі ўдзельнікі круглага стала ў Доме прэсы. Сярод прадстаўленых падчас круглага стала выданняў - кніга загадчыка Цэнтра ваеннай гісторыі Інстытута гісторыі НАН Беларусі Аляксей Літвіна, прысвечаная партызанскім парадам.

Чаму так важна зберагаць помнікі гісторыі і архітэктуры? Як культурная спадчына спрыяе развіццю краіны і грамадства? Што робіцца для захавання славутых мясцін? Гэтыя ды іншыя пытанні абмеркавалі падчас рэспубліканскага семінара. З дакладам выступіла і вядучы навуковы супрацоўнік аддзела выяўленчага і дэкаратыўна-прыкладнога мастацтва Інстытута мастацтвазнаўства, этнаграфіі і фальклору НАН Беларусі Таццяна Гаранская.

Сѐлета ў Міжнародны дзень помнікаў і гістарычных мясцін на базе Беларускага дзяржаўнага музея гісторыі Вялікай Айчыннай вайны Міністэрства культуры зладзіла рэспубліканскі семінар, прысвечаны тэмам практычнага, навуковага і выхаваўчага патэнцыялу матэрыяльнай культурнай спадчыны Беларусі. Вядучы навуковы супрацоўнік аддзела выяўленчага і дэкаратыўна-прыкладнога мастацтва Інстытута мастацтвазнаўства, этна- графіі і фальклору імя Кандрата Крапівы Цэнтра даследаванняў беларускай культуры, мовы і літаратуры Нацыянальнай акадэміі навук, кандыдат мастацтвазнаўства Таццяна Гаранская выступіла з дакладам "Збор помнікаў гісторыі і культуры Беларусі: сучасны погляд".

У Мастацкай галерэі Міхаіла Савіцкага стартаваў выставачны праект "Першыя...". Удзел у праекце ўзяла і Цэнтральная навуковая бібліятэка НАН Беларусі.

У Музеі гісторыі горада Мінска прайшло традыцыйнае штогадовае мерапрыемства, прысвечанае першай летапіснай згадцы горада. Сёлетні лекторый "Ад Менкі да Нямігі" зладжаны сумесна з Інстытутам гісторыі НАН Беларусі.

Было ўхвалена наданне статусу гісторыка-культурнай каштоўнасці элементу "Калядная зорка Случчыны. Асаблівасці вырабу і карыстання". Экспертнае заключэнне было падрыхтавана загадчыкам аддзела фалькларыстыкі і культуры славянскіх народаў Цэнтра даследаванняў беларускай культуры, мовы і літаратуры НАН Беларусі Таццянай Валодзінай.

Налета ўся краіна будзе адзначаць 80-ю гадавіну вызвалення ад нямецка-фашысцкіх захопнікаў. Але ўжо цяпер у Беларускім дзяржаўным музеі гісторыі Вялікай Айчыннай вайны можна азнаеміцца з часовай экспазіцыяй "Адзінай памяці верныя". На ўрачыстым адкрыцці экспазіцыі з прывітальным словам выступілі і прадстаўнікі Інстытута гісторыі НАН Беларусі.

Новы дырэктар мемарыяльнага комплекса "Брэсцкая крэпасць-герой" Аляксандр Каркатадзэ распавядае пра перспектыўныя планы развіцця ўстановы. Між тым тут праводзіцца вялікая даследчая работа, наладжана супрацоўніцтва з Інстытутам гісторыі НАН Беларусі.

Першы расійска-беларускі музейны форум прайшоў у Мінску 11-12 мая. Мерапрыемства звязала цэлы комплекс пляцовак. Да праекта далучылася і Агенцтва па аэракасмічных даследаваннях НАН Беларусі.

"Бібліяноч", што прайшла напрыканцы красавіка ў Беларусі, прыцягнула ўвагу мноства гасцей. У Цэнтральнай навуковай бібліятэцы НАН Беларусі старшы навуковы супрацоўнік сектара навуковай апрацоўкі рукапісаў аддзела рэдкіх кніг і рукапісаў Вадзім Урублеўскі распавеў пра найважнейшыя выданні, якія могуць спатрэбіцца кожнаму ў даследаванні ўласнага радаводу.

З 5 красавіка па 14 мая ў мастацкай галерэі Мінскага абласнова цэнтра народнай творчасці працуе выстава "Відзікі: беларускі традыцыйны роспіс па шкле". Ідэйнай натхняльніцай праекта выступіла малодшы навуковы супрацоўнік аддзела фалькларыстыкі і культуры славянскіх народаў Цэнтра даследаванняў беларускай культуры, мовы і літаратуры НАН Беларусі Вольга Трубач.

Лічбавізацыя, работа ў сацыяльных сетках ды інклюзіўныя ініцыятывы - новыя тэндэнцыя ў рабоце бібліятэчнай сістэмы краіны. Вядзецца напаўненне зводнага электроннага каталога, удзельнічае ў ім і Цэнтральная навуковая бібліятэка НАН Беларусі.

19 студзеня адбылася прэзентацыя кнігі "Генацыд беларускага народа. Лагеры смерці". У ходзе яе было адзначана, что дзеля даследавання трагічных падзей Вялікай айчыннай вайны створаны вялікі калектыў адмыслоўцаў, у склад якіх уваходзяць і спецыялісты з Нацыянальнай акадэміі навук Беларусі.

UNESCO прынятае рашэнне аб уключэнні элемента "Саломапляценне Беларусі: мастацтва, рамяство і ўменіі" ў Рэпрэзентатыўны спіс нематэрыяльнай культурнай спадчыны чалавецтва. Гісторыя саломапляцення такая ж даўняя, як і гісторыя земляробства, распавядае вядучы навуковы супрацоўнік Цэнтра даследаванняў беларускай культуры, мовы і літаратуры НАН Беларусі Яўген Сахута.

У кастрычніку ў Цэнтральнай навуковай бібліятэцы НАН Беларусі адбылася прэзентацыя дзвюх грунтоўных кніг супрацоўнікаў Цэнтра даследаванняў беларускай культуры, мовы і літаратуры НАН Беларусі, прысвечаных Вялікай Айчыннай вайде ў беларускіх кінематографе і музыцы.

Днямі ў Мінскай гарадской ратушы адбылося традыцыйнае адзначэнне гадавіны першай летапіснай згадкі пра горад, якое штогод ладзіць Музей гісторыі горада Мінска. Малодшы навуковы супрацоўнік аддзела спецыяльных гістарычных даследаванняў Інстытута гісторыі Нацыянальнай акадэміі навук Беларусі Надзея Палтаржыцкая распавяла аб структуры і дзейнасці галоўнага органа самакіравання — мінскага магістрата.

Днямі ў Доме прэсы адбылася даволі значная прэс-канферэнцыя, прымеркаваная да 100-годдзя Нацыянальнай бібліятэкі Беларусі і Года гістарычнай памяці. Намеснік дырэктара выдавецтва "Беларусь" Вольга Ваніна распавяла аб выдавецкіх праектах, звязаных з тэматыкай гістарычнай памяці. Выдавецтва ў супрацоўніцтве з Інстытутам гісторыі Нацыянальнай акадэміі навук і Нацыянальным архівам плануе выдаць кнігу, прысвечаную дэпутатам Вярхоўнага Савета БССР першага склікання.

3 лютага ў міжнародным прэс-цэнтры Нацыянальнай бібліятэкі Беларусі прайшоў навукова-практычны семінар у рамках рэспубліканскага праекта "На хвалі часу, у плыні жыцця", прысвечаны ўшанаванню памяці ўдзельнікаў літаратурнага аб’яднання "Маладняк". Культуролаг аддзела маркетынгавых камунікацый Цэнтральнай навуковай бібліятэкі імя Якуба Коласа Нацыянальнай акадэміі навук Беларусі Радзівон Колас прадставіў прэзентацыю сайта, створанага ў гэтай установе мемарыяльнага кабінета Пятра Глебкі.

Сёлета ў нашай краіне адзначаецца Год гістарычнай памяці. Не мінаючы розныя перыяды беларускай мінуўшчыны, важны акцэнт робіцца на перыядзе Вялікай Айчыннай вайны, падзеям якой надаецца асаблівая ўвага. Намеснік дырэктара па навуковай рабоце Інстытута гісторыі Нацыянальнай акадэміі навук Станіслаў Юрэцкі паведаміў, што быў абвешчаны рэспубліканскі конкурс творчых работ, прысвечаных Году гістарычнай памяці. Якія яшчэ праекты рыхтуюцца сёння ў гэтым кірунку і якія мерапрыемствы ўжо рэалізоўваюцца?

У апошнюю нядзелю студзеня ў нашай краіне адзначаецца Дзень беларускай навукі — свята, усталяванае яшчэ ў 1993 годзе. Сёлета гэты дзень супаў таксама з важнай датай у гісторыі айчыннай навуковай супольнасці: 30 студзеня спаўняецца сто гадоў з дня заснавання Інстытута беларускай культуры (Інбелкульта) — першай у Беларусі шматгаліновай навукова-даследчай установы, якая ў 1929 годзе была рэарганізаваная ў Беларускую акадэмію навук. 25 студзеня ў Цэнтральнай навуковай бібліятэцы імя Якуба Коласа Нацыянальнай акадэміі навук Беларусі адбылася Рэспубліканская навукова-практычная канферэнцыя "Інстытут беларускай культуры (1922-1928): нараджэнне нацыі і нацыянальнай навукі"

3 студзеня пайшоў у лепшы свет Адам Мальдзіс — адзін з найвядомейшых беларусістаў, выдатны літаратуразнавец, гісторык і пісьменнік, які задаў кірункі вывучэння нашай культуры для многіх наступных пакаленняў даследчыкаў. Да 1991 года Адам Мальдзіс працаваў у Інстытуце літаратуры імя Янкі Купалы Акадэміі Навук БССР.

3 снежня ў Беларусім дзяржаўным музеі гісторыі Вялікай Айчыннай вайны адкрылася часовая экспазіцыя "Бітва за Маскву. Неўміручасць подзвігу", прысвечаная 80-годдзю легендарнай бітвы 1941-1942 гадоў. Дырэктар Інстытута гісторыі НАН Беларусі Вадзім Лакіза распавёў, што ў бітве за Маскву ўдзельнічалі каля трох дзясяткаў генералаў-беларусаў.

У Беларускім дзяржаўным музеі гісторыі Вялікай Айчыннай вайны з 5 лістапада прадстаўленая выстава "Руіны стралялі", прымеркаваная да васьмідзесяцігоддзя пачатку руху антынацысцкага супраціўлення ў акупаваным Мінску. Асобная частка экспазіцыі прысвечаная такому важнаму кірунку дзейнасці падполля, як вывад у партызанскія атрады з акупаванага горада прадстаўнікоў інтэлігенцыі — вядомых дзеячаў навукі, такіх як акадэмік, дырэктар Інстытута гісторыі Акадэміі навук БССР Мікалай Нікольскі.

У адным са сваіх "давераснёўскіх" вершаў будучы народны паэт Беларусі Максім Танк зазначаў, што "скрыпачоў і паэтаў" у ягонай краіне больш, чым каласоў. Заходняя Беларусь, нягледзячы на ўвесь уціск, які чынілі тагачасныя ўлады супраць беларусаў і іх культуры, была месцам сапраўднага росквіту нацыянальнага мастацтва, дзе жылі і тварылі, насуперак усім неспрыяльным абставінам, дзясяткі выдатных літаратараў, мастакоў, кампазітараў і музыкаў. Якімі былі іх лёсы, і як сёння ўшаноўваецца памяць творцаў у мясцінах, звязаных з іх жыццѐвымі шляхамі? Сапраўды легендарным сярод мастакоў Заходняй Беларусі па праве лічыцца Язэп Драздовіч, яки плённа супрацоўнічащ з Інстытутам беларускай культуры (папярэднікам Акадэміі навук БССР),

Паводле звестак, атрыманых падчас апошняга перапісу насельніцтва, што прайшоў у 2019 годзе, у Беларусі сёння жывуць каля васьмі з паловай тысяч татар. Адзначыліся беларускія татары і ў барацьбе супраць нацысцкіх акупантаў падчас апошняй вайны. Так, напрыклад, немалую ролю ў дзейнасці мінскага падполля адыгрываў татарын Хасан Александровіч. Пасля вайны колішні падпольшчык займаў пасаду загадчыка вытворчага аддзела выдавецтва Акадэміі навук БССР.

16 мая адбылася першая анлайн-дыскусія з цыкла сустрэч, зладжаных беларускім камітэтам ІКАМОС і прымеркаваных да новага сезона конкурсу “Спадчына ў дзеянні”. Пра пачаткі свайго прафесійнага шляху распавялі рэстаўратары Юрый Маліноўскі і Уладзімір Ракіцкі. Нездарма ў назву сустрэчы была вынесеная інтрыгоўная фраза “Імі захапляўся Караткевіч”. Караткевіч цягам 1970-х гадоў не раз накіроўваўся ў экспедыцыі па даследаванні і апісанні помнікаў, якія праводзіліся супрацоўнікамі Інстытута мастацтвазнаўства, этнаграфіі і фальклору Акадэміі навук БССР, дзе працавала жонка пісьменніка — Валянціна Браніславаўна.

3 лютага ў прэс-цэнтры інфармацыйнага агенцтва БелТА адбылася прэс-канферэнцыя, прысвечаная рабоце па захаванні, прымнажэнні і папулярызацыі гісторыка-культурнай спадчыны Беларусі, праведзенай у рамках трохгодкі малой радзімы. Дырэктар Інстытута гісторыі Нацыянальнай акадэміі навук Беларусі Вадзім Лакіза, у сваю чаргу, падзяліўся планамі стварэння археалагічнай карты Мінска.

Значныя юбілеі, форумы адмыслоўцаў у афлайне і ў сеціве, новыя тэхналогіі ў новых абставінах, грамадскія ініцыятывы і аб’яднанні — чым запомніўся 2020 год у галіне аховы гісторыка-культурнай спадчыны? Так, у пачатку года Нацыянальная акадэмія навук выступіла ініцыятарам Усебеларускай акцыі па стварэнні "Народнага летапісу Вялікай Айчыннай вайны".

Спецыяльнай прэміяй Прэзідэнта Рэспублікі Беларусь за самаадданую працу па захаванні гістарычнай памяці беларускага народа і стварэнне археалагічнага музея пад адкрытым небам у Белавежскай пушчы адзначаны аўтарскі калектыў у складзе дырэктара дзяржаўнай навуковай установы “Інстытут гісторыі Нацыянальнай акадэміі навук Беларусі” Вадзіма Лакізы, навуковага супрацоўніка дзяржаўнай прыродаахоўнай установы “Нацыянальны парк “Белавежская пушча” Руслана Кнігі і галоўнага архітэктара праектаў філіяла “Брэстрэстаўрацыяпраект” адкрытага акцыянернага таварыства “Белрэстаўрацыя” Вольгі Нічыпорчык.

13 кастрычніка ў Нацыянальным гістарычным музеі Беларусі адбылася прэзентацыя часовай экспазіцыі "Археалагічны помнік: фіксацыя мінулага ў мінулым". Выстава ажыццяўляецца сумесна з Нацыянальным мастацкім музеем, Цэнтральнай навуковай бібліятэкай НАН Беларусі і інш.

Неўзабаве споўніцца ўжо трыццаць гадоў з моманту, як у нашай краіне ажыццяўляецца самастойнае кіраванне аб’ектамі гісторыка-культурнай спадчыны. 19 — 20 чэрвеня адбылася навукова-практычная канферэнцыя “Дзяржаўны спіс гісторыка-культурных каштоўнасцяў: выклікі і рашэнні”, прысвечаная пытанням уліку культурнай спадчыны Беларусі. Супрацоўнік аддзела фалькларыстыкі і культуры славянскіх народаў Цэнтра даследаванняў беларускай культуры, мовы і літаратуры Нацыянальнай акадэміі навук Беларусі Таццяна Мармыш звярнула ўвагу на дваісты ўплыў надання статусу гісторыка-культурнай каштоўнасці на захаванне розных відаў нематэрыяльнай культурнай спадчыны.

20 мая ў Жыровічах пад Слонімам мелі адбыцца ўрачыстасці, прымеркаваныя да 500-годдзя Жыровіцкага манастыра. На жаль, гэтыя мерапрыемствы плануюсь перанесці на пазнейшы тэрмін. Тым часам на прэс-канферэнцыі супрацоўнікі выдавецтваў распавялі аб новых кнігах, выдадзенных да гэтых дат. Сярод іх і кніга вершаў "Святло з Жыровіч", што змяшчае творы Зніча, таксама вядомага як манах Іаан, альбо Алег Бембель. У свой час паэт працаваў у Акадэміі навук.

З належнай пашанай і ўрачыстасцю прайшло святкаванне даты 75-годдзя Вялікай Перамогі, але адзначэнне слаўнага юбілею працягваецца. Пра меркаваныя накірункі і тэмы даследаванняў, а таксама чаканыя мерапрыемствы і захады па вывучэнні і захаванні памяці аб падзеях Вялікай Айчыннай вайны распавядаюць прадстаўнікі выдавецтваў і гісторыкі, у тым ліку дрэктар Інстытута гісторыі НАН Беларуі Вячаслаў Даніловіч, загадчык аддзела ваеннай гісторыі Аляксей Літвін, вядучы навуковы супрацоўнік аддзела ваеннай гісторыі Анатоль Крыварот.

25 красавіка ў Беларусі праходзіць Рэспубліканскі суботнік, падчас якога рэкамендавана, між іншага, добраўпарадкаваць і прывесці ў належны стан гісторыка-культурныя каштоўнасці краіны. Пытанням аховы і захавання культурнай спадчыны і добраўпарадкавання воінскіх пахаванняў была прысвечаная і прэс-канферэнцыя, прымеркаваная да Міжнароднага дня помнікаў і гістарычных мясцін, якая прайшла 15 красавіка ў Нацыянальным прэс-цэнтры з удзелам прадстаўнікоў Інстытута гісторыі Нацыянальнай акадэміі навук Беларусі і Федэрацыі прафсаюзаў Беларусі.

Нацыянальная акадэмія навук выступіла ініцыятарам Усебеларускай акцыі па стварэнні "Народнага летапісу Вялікай Айчыннай вайны". 13 сакавіка ў Інстытуце гісторыі НАН Беларусі адбыўся круглы стол, прысвечаны прэзентацыі гэтай акцыі. Арганізатары адзначаюць: увекавечанне і захаванне памяці аб апошняй вайне ў нашай краіне ўзведзена ў ранг дзяржаўнай палітыкі і ідэалогіі. Як нагадаў акадэмік-сакратар аддзялення гуманітарных навук і мастацтваў НАН Беларусі Аляксандр Каваленя, за пасляваенныя гады створана больш за 12 тысяч навуковых прац па тэме гісторыі вайны.

26 лютага ў Дзяржаўным музеі гісторыі беларускай літаратуры адбылася прэзентацыя кнігі "Рэспубліка Беларусь і Еўрапейская Хартыя рэгіянальных моў і моў меншасцяў". Аб стварэнні кнігі і яе змесце распавяла загадчык Цэнтра даследаванняў глабалізацыі, інтэграцыі і сацыякультурнага супрацоўніцтва Інстытута філасофіі Нацыянальнай акадэміі навук Беларусі Наталля Кутузава.

12 лютага адбылося пасяджэнне Беларускай рэспубліканскай навукова-метадычнай рады па пытаннях гісторыка-культурнай спадчыны, на якім разглядаліся пытанні аб наданні статусу гісторыка-культурнай каштознасці шэрагу элементаў, у тым ліку беларускім мастацкім практыкам саломапляцення. Дакладчыкам па гэтым элеменце выступіў вядучы навуковы супрацоўнік Цэнтра даследаванняў беларускай культуры, мовы і літаратуры НАН Беларусі Яўген Сахута.

Аўтарскі калектыў у складзе акадэміка-сакратара аддзялення гуманітарных навук і мастацтваў НАН Беларусі Аляксандра Кавалені, галоўнага рэдактара РУП «Белкартаграфія» Галіны Ляхавай, дырэктара ДУ «Беларускі навукова-даследчы цэнтр электроннай дакументацыі» Вячаслава Насевіча ўзнагароджаны прэміяй «За духоўнае адраджэнне» за стварэнне фундаментальнага картаграфічнага выдання «Вялікі гістарычны атлас Беларусі»

19 снежня ў Мірскім замку адбылося ўрачыстае адкрыццё міжнароднай выставы гістарычных карт "Аб'ядноўваючы прастору і час: беларускія землі на картах XVI-XVIII стст." Гэта сумесны праект Замкавага комплексу "Мір", Нацыянальнага музея старажытных карт і кніг (Румынія), музея-запаведніка "Нясвіж", Нацыянальнага гістарычнага музея Беларусі, Цэнтральнай навуковай бібліятэкі НАН Беларусі і беларускага калекцыянера Ігара Сумрачэўскага. Выступіў на ўрачыстасці і дырэктар ЦНБ НАН Беларусі Аляксандр Груша.

Прэмія Прэзідэнта Рэспублікі Беларусь "За духоўнае адраджэнне" прысуджана калектыву археалагічнага музея "Бярэсце". Музей быў адчынены яшчэ ў 1982 годзе. Падчас рээкспазіцыі музей займеў новае абсталяванне, таксама супрацоўнікамі Інстытута гісторыі НАН Беларусі быў распрацаваны аудыёгід для смартфонаў.

16 снежня ў Нацыянальным архіве Рэспублікі Беларусь адбылася прэзентацыя мультымедыйнага праекта "Іх зброя - кінакамера". Удзел у прэзентацыі ўзяла і кіназнаўца, загадчык аддзела экранных мастацтваў Цэнтра даследаванняў беларускай культуры, мовы і літаратуры Нацыянальнай акадэміі навук Беларусі Антаніна Карпілава.

Зямля беларуская поўніцца напамінамі аб мінуўшчыне — прычым не толькі ў пераносным, а і ў самым прамым сэнсе. Напрыклад, у 2012 годзе пры будаўніцтве аднаго з гандлёвых цэнтраў былі знойдзеныя археалагічныя артэфакты, якія адносяцца да ХІ — ХІІ стагоддзяў. Пра знаходку адразу ж паведамілі ў Інстытут гісторыі Нацыянальнай акадэміі навук Беларусі. На жаль, так адбываецца не заўсёды.

12 лістапада ў Нацыянальным архіве Рэспублікі Беларусь адбыўся круглы стол, прысвечаны выхаду новых кніг серыі "Беларусь памятае: у імя жыцця і міру". Тэксты выданняў былі складзеныя супрацоўнікамі Інстытута гісторыі Нацыянальнай акадэміі навук Беларусі. Старшы навуковы супрацоўнік аддзела ваеннай гісторыі Інстытута гісторыі Аляксандра Кузняцова-Цімонава, якая прымала ўдзел у стварэнні тэкстаў для кнігі, падкрэсліла, што перад аўтарамі стаяла задача данесці да чытача спецыфіку гісторыі нацысцкай акупацыі і ўнікальнасць народнага супраціву менавіта з беларускага пункту гледжання.

17 — 18 кастрычніка ў Мінску адбыўся IV Міжнародны кангрэс гісторыкаў Беларусі "Гістарычная навука Беларусі: асобы, канцэпцыі, дасягненні", прымеркаваны да 90-годдзя Інстытута гісторыі Нацыянальнай акадэміі навук Беларусі. Падчас урачыстага адкрыцця кангрэса выступілі дырэктар Інстытута гісторыі НАН Беларусі Вячаслаў Даніловіч, старшыня Прэзідыўма НАН Беларусі Уладзімір Гусакоў і інш.

10 кастрычніка ў музеі кнігі, што месціцца ў Нацыянальнай бібліятэцы Беларусі, адбылося адкрыццѐ выставы "Выхад з ценю: невядомы арыгінал Берасцейскай Бібліі". Прадстаўлены на выставе асобнік знаходзіцца ў прыватнай калекцыі і ніколі раней не экспанаваўся, застаючыся невядомым нават для спецыялістаў. У Беларусі з сярэдзіны мінулага стагоддзя не засталося нават ніводнага поўнага асобніка гэтага выдання. Толькі ў 1975 годзе на юбілей бібліятэкі Акадэміі навук БССР быў падараваны асобнік Берасцейскай Бібліі, што захоўваўся ў Вільні.

IV Нацыянальны форум "Музеі Беларусі" пройдзе 4 — 6 кастрычніка ў легкаатлетычным манежы Брэсцкай абласной спецыялізаванай дзіцяча-юнацкай школы алімпійскага рэзерву (Брэст, вул. Маскоўская, 151). У межах экспазіцыйнай праграмы форуму музеі Беларусі прэзентуюць свае экспазіцыйна-выставачныя і культурна-адукацыйныя праекты, а таксама новыя формы работы з наведвальнікамі. Сёлетняя тэма форуму — "Навука, інавацыі, камунікацыя" — прадугледжвае наладжванне супрацоўніцтва між музейнымі ўстановамі і навуковымі арганізацыямі, таму ў форуме возьмуць удзел у тым ліку і прадстаўнікі Аб’яднанага інстытута праблем інфарматыкі Нацыянальнай акадэміі навук Беларусі.